SKÝR STEFNA SKAPAR
RAUNVERULEGT FORSKOT
Podium ehf. er ráðgjafafyrirtæki sem sérhæfir sig í stefnumótun, breytingastjórnun, sjálfbærni og almannatengslum. Podium umbreytir stefnumótun og sjálfbærni í mælanleg áhrif — með faglegri aðferðafræði, alþjóðlegum viðmiðum og nánu samstarfi við þitt teymi. Aðferðafræði okkar byggir á vísindalegum grunni, alþjóðlegum viðmiðum og raunverulegri reynslu — en alltaf með augum á þínar sérstöku aðstæður og markmið. Innleiðingin er jafn mikilvæg og stefnumótunin sjálf.
Vinnustofur
GREINING- FRAMTÍÐARSÝN
Góð stefna er einungis jafn góð og innleiðingin. Við fylgjum þér eftir í gegnum breytingaferlið og tryggjum að markmiðin náist í raun. Podium ehf. veitir stjórnenda-ráðgjöf sem styður fyrirtæki í að móta skýra stefnu og tryggja árangursríka innleiðingu hennar. Með greiningu, vinnustofum og þátt-töku starfsfólks mótum við sameiginlega sýn, hlutverk og gildi.
Með vinnustofum og aðferðum breytinga-stjórnunar tryggjum við að stefna verði ekki bara skjal – heldur lifandi verkfæri sem skilar raunverulegum árangri í rekstri. Með aðferðum breytingastjórnunar hjálpum við fyrirtækjum að innleiða stefnu í daglegan rekstur og skapa mælanlegan árangur, aukna hagræðingu og sterkari ímynd.
ALMANNATENGSL OG SAMSKIPTARÁÐGJÖF
SJÁLFBÆRNI
Stefnumótun á óvissutímum
INNLEIÐING- SAMSTARF
Í breytilegu rekstrarumhverfi, þar sem markaðir, regluverk og væntingar breytast hratt, verður skýr stefna enn mikilvægari. Fyrirtæki sem ná árangri á óvissutímum eru þau sem geta tekið upplýstar ákvarðanir, forgangsraðað rétt og brugðist hratt við breytingum. Rekstrarumhverfi fyrirtækja hefur tekið miklum breytingum. Hærri vextir, aukinn kostnaður, aðgangur að fjármagni og ófyrirsjáanlegar ytri aðstæður hafa skapað nýjan veruleika.
Podium styður stjórnendur í að móta sveigjanlega og raunhæfa stefnu sem tekur mið af óvissu – þar sem áhætta er greind, sviðsmyndir metnar og skýr forgangsröðun tryggð. Markmiðið er ekki að spá fyrir um framtíðina, heldur að vera undirbúin fyrir hana. Podium aðstoðar fyrirtæki við að greina stöðu sína, taka skýrar ákvarðanir og samræma starfsemi í kringum sameiginlega sýn.
Sérfræðiþjónusta
SJÁLFBÆRNI · ESG · ESRS · VSME · GRI
Við hjálpum fyrirtækjum að innleiða sjálfbærni sem samþættur hluti rekstrarins — ekki sem viðbót, heldur sem kjarnaþáttur í samkeppnisforskoti. Sjálfbærni er í dag hluti af góðri stefnumótun. Podium styður fyrirtæki í að samþætta sjálfbærni inn í stefnu og rekstur á einfaldan og hagnýtan hátt – þar sem kröfur á borð við CSRD og ESG verða tækifæri frekar en byrði. Notaðir eru alþjóðlegir staðlar og viðmið, svo sem GRI og ESRS, VSME og Flokkunarreglugerð. Flokkunarreglugerð ESB skilgreinir hvað telst umhverfislega sjálfbær starfsemi fyrirtækja.
Podium ehf. aðstoðar fyrirtæki við innleiðingu á CSRD og annarra reglugerða um sjálfbærniupplýsingagjöf. Við hjálpum til við að gera mikilvægisgreiningar, greina kröfur, safna gögnum og byggja upp ferla sem tryggja samræmi við ESB-regluverk.
Í heimi þar sem traust er dýrmætasta auðlind fyrirtækja skiptir máli hvernig þú talar við umheiminn — og hvenær. Podium veitir ráðgjöf í almannatengslum og samskiptum sem hjálpar fyrirtækjum að byggja upp trúverðuga ímynd, eiga skilvirk samskipti við hagaðila og bregðast við í erfiðum aðstæðum.
Samskiptastefna og -áætlun — Við hjálpum fyrirtækjum að skilgreina samskiptamarkmið, lykilboðskap og rásir. Góð samskiptaáætlun tryggir að rétt skilaboð berist til réttra aðila á réttum tíma. Ímyndaruppbygging og orðspor — Við styðjum fyrirtæki í að móta og miðla skýrri og trúverðugri ímynd — gagnvart viðskiptavinum, fjárfestum, fjölmiðlum og samfélaginu í heild.
Fjölmiðlasamskipti — Podium aðstoðar við undirbúning og framkvæmd fjölmiðla-samskipta, þar á meðal fréttatilkynningar, viðtöl og samskipti við blaðamenn. Við þjálfum einnig fulltrúa fyrirtækja í að tjá sig á skýran og áhrifaríkan hátt.
Hagaðilasamskipti — Við kortleggjum hagaðila fyrirtækisins og þróum markvissa samskiptaáætlun sem styður við langtímamarkmið og samfélagslega ábyrgð.
Krísustjórnun og samskipti í erfiðum aðstæðum — Podium aðstoðar stjórnendur í að undirbúa sig fyrir erfiðar aðstæður og bregðast við á faglegan og skilvirkann hátt þegar á reynir.
20+ ára reynsla af stefnumótun og sjálfbærni
FORSKOT Niðurstaðan er mælanleg, trúverðug og varanleg
Eva Magnúsdóttir er stofnandi og framkvæmdastjóri Podium ehf. Eva hefur umfangsmikla reynslu úr íslensku atvinnulífi af stjórnun og stefnumótun fyrirtækja, samfélagsábyrgð og samskiptamálum. Hún sat í framkvæmdastjórn Mílu til fjölda ára og gegndi jafnframt stöðu forstöðumanns samskipta og talsmanns hjá Símanum. Hún starfaði sem ráðgjafi hjá KOM og sem sjálfstætt starfandi blaðamaður auk þess að ritstýra Helgarblaði DV.
Eva hefur setið fjölda námskeiða um sjálfbærni og samfélagsábyrgð þar á meðal frá Harvard Business School Online, og hefur veitt ráðgjöf, kennt og haldið fyrirlestra um málefnið í yfir 20 ár m.a. hjá Akademias, Háskólanum á Bifröst og í Háskóla Íslands.
Hún er með MBA gráðu í viðskiptafræði og stjórnun frá Háskóla Íslands. Hún hefur einnig diplóma í hagnýtri fjölmiðlun frá sama skóla. Að auki lauk hún B.Sc gráðu í þjóðháttafræði, leikhús- og kvikmyndafræðum frá Háskólanum í Lundi í Svíþjóð. Eva er viðurkenndur stjórnarmaður frá Akademias og hefur jafnframt lokið námskeiðinu Leiðtogi í gervigreind frá Akademias.
Við vinnum með þér — ekki fyrir þig
Við trúum því að besta stefnan sé sú sem starfsfólk skilur, trúir á og innleiðir í dagleg störf sín
VIÐSKIPTAVINIR
REYNSLA VIÐSKIPTAVINA
Gréta María Grétarsdóttir, framkvæmdastjóri Krónunnar
„Við vitum að til að ná árangri í samfélagsmálum þarf hugur að fylgja verki og því var okkar val að starfa með Podium að gerð fyrstu samfélagsskýrslu Krónunnar. Við fundum strax hve mikla áherslu þau leggja á sjálfbærni og mikilvægi fyrirtækja að hafa þau mál hluta af daglegum rekstri sínum. Afraksturinn af samstarfinu var skýrsla sem við í Krónunni eru mjög stolt af og er það til marks um það góða samstarfs sem við áttum við Evu og Podium."
